醫美分享— Thermage過程、皮膚護理、做咗幾錢?－Gina MUA的部落格

女人真係唔可以唔Keep，點解突然咁感慨?咁係因為之前返工，坐車途中聽到2個小妹妹嘅對話，對話內容唔重要，而其中有一句真係正中我個心呀：「女人30歲已經老啦!係中女啦」呢一下，真係深深打擊我。作為30+嘅「中女」，有日拎塊鏡出嚟望下，其實都唔係話好差丫，之不過再對比10年前嘅相…… 嗯! 立即真係覺得要好好咁KEEP，因為我唔想10年之後自己會後悔。

一係唔做一做就要做最靚嘅!Thermage我嚟啦!

想靚，其實有好多醫美可以揀，點解我要揀屬於貴婦級嘅thermage flx呢?咁就首先要講下咩係Thermage先! 有10幾年歷史嘅Thermage發展到最新一代thermgae flx，係目前全球一次療程就可以有明顯提拉、緊膚、去皺效果嘅treatment，Thermage功效仲可以Keep到1至2年嘅作用。只要上網睇下就check到外界對佢嘅評價係幾咁高。由於thermgae flx效果咁顯著，一心想要「還春」嘅我當然係做thermage。

分享一下咩係Thermage FLX >>

佢嘅原理係用專利單極射頻技術，好安全咁加熱深層皮膚，仲並非只係針對收緊單一深度皮膚，而係可以好立體咁收緊皮膚，同時刺激膠原蛋白，令皮膚更加有彈性，即時收緊鬆弛咗嘅皮膚，無論係眼部、面部、以至身體個別部位都可以適用， Thermage FLX仲可以微調及優化療程中每一發射頻能量，令每發能量嘅輸出更貼合肌膚需要，集中咁改善問題，無論去皺、提升、亮眼〝Thermage 絕對係醫美最強呀!

Thermage價錢好貴?係唔係好痛架?

坊間一直好多人都話thermage價錢好貴，咁當然啦，但我個人認為係物有所值。因為Thermage必須由醫生主理，只係做1次就已經可以有大約1年緊膚去皺效果，比其他做好多次但又Keep 唔得耐嘅療程的確係有分別。

除咗「貴」呢個傳聞，仲有好多人話thermage好痛，但係我自己試完之後，真係一D「痛」嘅感覺都無，治療師佢同我講新一代Thermage用左新技術從各方面去提升療程舒適度，可以精準計算能量，令治療效果同舒適度大大提升同時節省治療時間，成功地令到Thermage療程更舒適。就算佢價錢比喺傳統拉皮、HIFU呢D療程貴，但係無創、近乎無痛嘅特點，所以佢一直以嚟都有好多Fans。