話說我出過唔同類型嘅job，每次最期待嘅唔係幫明星化登台妝，而係化新娘妝呀！因為見到新娘子開開心心做一日公主，同新郎sweet sweet互動，就連我依D外人，都會打從心底覺得好幸福好有愛<3每次化完新娘妝都好有滿足感！
新娘嘅髮型係非常重要，要考慮適唔適合面型同妝容。今天就想同大家分享吓唔同面型適合嘅髮型。
- 包包面
包包面其實好可愛，髮型配合得好就會增加甜美感<3 只要Keep住瀏海，喺耳仔下面留一小撮頭髮，利用瀏海去修飾額頭同顴骨，令面部範圍縮細，五官睇起上嚟就會更加集中同立體，形成小臉錯覺，面型亦會睇落變得修長～
- 大餅面
係咪估唔到大餅面係我最愛之一嘅面型呢！因為只需簡單整理頭髮，就可以靚爆鏡XD將全部頭髮放去側邊，就可以修飾肉肉面，旁人視覺焦點亦會被轉移到新娘d頭髮度，超級懶人做法～
- 完美面型—鵝蛋面
鵝蛋面簡直係0死角！！my favorite！！只要稍為蓬鬆頭髮就可以令面型更加立體。將頭髮綁成低髻就更加優雅。基本上咩角度都可以呈現鵝蛋面嘅優點！
婚禮係女人一生中嘅大事，必須要事事完美。想擁有完美臉蛋同身型，最簡單直接嘅方法就係做機，用高級醫學美容科技，就可以自信地踩上教堂。唔少準新娘客人同我提過，佢地會喺big day前半年甚至1年開始做thermage/hifu，務求達到緊緻提拉肌膚、去紋、瘦面等效果，可以360度無死角上鏡。其實兩者嘅分別不大，以下簡單介紹畀大家參考吓～
Thermage：利用單極高能量射頻(RF)透過表皮將熱力滲透致皮膚底層，刺激膠原蛋白增生，達致輪廓提升、減淡皺紋、溶脂塑身等功效
Hifu：以高能量聚焦超聲波，無需透過表皮，直接將熱力打到皮膚同肌肉之間4.5mm嘅SMAS表淺肌腱膜，將肌肉同皮膚一齊拉緊，重整底層組織承托力；亦可以直達3mm真皮層，刺激膠原蛋白增生，能夠提升同減淡皺紋
- Thermage及Hifu效果
兩者聲稱效果可以keep一年，不過thermage做一次就keep到，hifu要密少少做，2-3個禮拜做一次，咁就要睇吓你有冇時間分幾次做療程lu
- Thermage及Hifu副作用
兩者因為原理有別，Thermage會比起Hifu更有感覺，所以需要落麻醉藥，不過beauty is pain~~~~更何況係long lasting嘅beauty呢XD
準新娘客人為了靚靚，記得事前要做好功課，精心揀選有信心保證嘅美容院做thermage/hifu呀！祝大家新婚快樂，同另一半永遠幸福<3
#bridetobe #準新娘 #新娘 #新娘妝 #新娘髮型 #面型 #輪廓 #bigday #結婚 #化妝師推薦 #hifu #thermage #瘦面 #緊緻提拉 #去紋
