Gina MUA的部落格

對於自少已經係毛孩的我，已經試過各式各樣的脫毛方法，傳統的可選擇剃刀，亦有人會喜歡以蜜蠟式、脫毛膏、噴霧來脫毛。其實不同方法各有好壞，效果亦不同。到底係咁多種方法邊一樣最work?不如等我同大家分享一下：

剃刀脫毛：

我第一次脫毛係用剃刀，除左貪佢平，唔會痛同埋即時見效。不過就係keep得唔耐，過幾日又要再剃。過程要好小心，因為好容易刮損流血，長期使用有可能破壞皮膚的角質層，繼而造成毛囊發炎，所以要睇番自己的皮膚性質而定。

蜜蠟脫毛：

由於剃刀脫毛效果唔持久，我亦都嘗試過用VEET脫毛蠟紙，脫得較徹底、乾淨，但脫毛蠟紙最唔好的地方就係痛，就算事先冰敷左，都減輕唔到痛楚。另外如果用法不當，好容易令到毛囊發炎，皮膚容易敏感人士唔建議使用。

脫毛膏：

用脫毛膏雖然唔會好似蜜蠟脫毛咁痛，不過就有強烈既怪味道。仲有就係脫唔清，同埋唔持久，毛毛2-3日就會長出來，我曾經用過 veet既脫毛膏，出現過敏，令到小腿紅卜卜同痛，所以後來都無再用這種脫毛方法了。

脫毛器：

呢個係我試過咁多種脫毛方法中最痛的，由於佢係一次過將幾條毛髮連根拔起，真係痛到標眼淚，仲要俾左成千蚊來買難受。

激光脫毛：

現今唯一可以做到永久脫毛的效果，以不同波長激光的科技，以選擇性光熱效應原理，經由毛髮中的黑色素吸收，瞬間產生高熱力，破壞毛囊組織，使毛髮無法再生。

結論是如果金錢許可，激光脫毛會係最有效、最徹底及最持久的脫毛方法；如果因為經濟問題或剛剛開始脫毛，我會建議使用剃刀，應該係當中最平及比較脫毛膏、蜜蠟脫毛、脫毛器冇咁易令皮膚敏感及出現不適的情況！