最近幫客人化妝，個個都不約而同話想塊面睇落瘦D，想落重shading LOL 其實化妝品唔會幫到好多，最好都係直接瘦面！依家打Botox瘦面越來越普及，相信大家對Botox都唔陌生，好多明星都係Botox愛好者，例如森美 (估唔到呢XDDD)、傅穎Theresa、袁彌明。咁到底點解Botox瘦面會受到咁多人追捧呢？
Botox瘦面原理？
人體面部肌肉收縮需要乙醯膽鹼（Acetylcholine）嚟控制，Botox係一種注射型肌肉鬆弛劑，佢正正可以阻斷神經末稍所釋放嘅乙醯膽鹼，令乙醯膽鹼分泌唔到，肌肉亦都冇辦法自然收縮，咀嚼肌減弱及放鬆後，體積就會縮細，達到V面瘦面效果！瘦手臂瘦小腿嘅原理亦都相同～只要將Botox局部注射喺相應嘅面部肌肉，就能夠控制因肌肉收縮所引致嘅皺紋，保持肌膚青春緊緻～
Botox除瘦面之外仲有咩功用？
Botox可以針對特定部位進行注射，例如係下巴、頰骨、額頭等等。通過減少依D部位嘅肌肉張力，令臉型更加精緻，輪廓更加分明。除左瘦面緊膚，Botox仲可以瘦小腿、撫平動態皺紋、抑制汗水分泌、改善咀嚼肌肥大等問題～治療唔同部位需要唔同Botox嘅劑量，療程價錢亦都數會視乎劑量而有所分別。
Botox瘦面真係咁勁？
Botox瘦面效果非常立竿見影，注射時間只係需要10-20分鐘，當注射完Botox，就可以見到面部輪廓變得更加明顯，面型亦更加小巧玲瓏！注射Botox大約一星期後就會開始見到明顯效果，仲可以持續好一段時間，大約4-6個月不等～根據臨床研究顯示，Botox會隨住治療次數增加而延長效果持續時間，所以打得越多次，之後嘅效果持續時間就越長！
打Botox瘦面會唔會好危險？
Botox係用嚟治療過度活躍嘅肌肉，注射亦都非常精準，Botox只會對肌肉作出反應，唔會對其他部位造成影響，安全性都比較高。再者，打Botox瘦面係唔需要開刀切皮膚，所以恢復期會短d，風險都會小d㗎！
打Botox瘦面有咩要注意？
打Botox係需要由專業醫生進行，絕對唔好輕易嘗試自己喺屋企注射！因為注射不當可能會導致面部無力、視力模糊等副作用。所以注射前一定要搵經驗豐富嘅專業醫療團隊進行評估同指導！打完Botox後，可能會出現皮膚瘀青、肌肉酸痛、咀嚼肌無力等輕微副作用，不過好快就冇事～喺一般情況下，打完Botox後可以正常活動，並唔會影響日常工作，療程後約一星期唔好進行面部療程／，以免影響抗皺去紋效果。同埋都要注意養生，避免食D刺激性食品同埋暴曬呀！
留言列表
