Gina MUA的部落格

總有一間在左近嘅muji無印良品，由食物、文具、傢俬等樣樣齊全產品，一向都係信心保證，就連化妝品護膚品都相當唔錯，有唔少產品好用到令人不斷回購，價錢合理又高質，仲係敏感肌最愛tim！以下落嚟分享吓我不斷回購嘅神級muji美容好物！

1. 高評價熱賣！敏感肌爽膚水

價錢：$22-25/ 50ml 

提到muji爽膚水嘅第一首選，相信好多人都會諗起佢！佢含有保濕效果極佳嘅專利配方 LIPIDURE®，加上低敏性，排除所有不必要嘅成分。依枝爽膚水仲分為3款：Light, moisture, high moisture，唔同季節、需要、肌膚質都用得，使用起上嚟清爽不黏膩，非常水潤！除咗溫和保濕，佢平易近人嘅價格都係回購率超高嘅關鍵XD用嚟濕敷都唔心痛呀！大家可以買travel size試吓邊隻最適合你，然後先買full size㗎～

2. 可可巴油

價錢：$128/ 100ml 

muji可可巴油質地完全透明+相對流質，成分結構同人體皮脂相似，具良好滲透性，有助迅速滋潤皮膚同保持水油平衡。佢冇香料同色素，敏感皮膚都啱用，而且蘊含豐富嘅維他命D同蛋白質，具有保濕滋潤、消炎、軟化角質等功效，無論係面部保養、卸妝、身體、頭皮按摩都用得！好多日本妹都嗌佢做「萬用油」！

「萬用油」功用之多，就連去黑頭都搞得掂，係咪好驚喜呢！市面上有好多不同類型嘅去黑頭產品，但大部分產品都好易對皮膚造成傷害，例如撕拉型黑頭貼，撕完又痛又紅好辛苦！想要溫和去黑頭，不妨嘗試一下最近風靡日本嘅去黑頭大法：

Step 1：沖完涼之後皮膚毛孔會打開，用熱毛巾敷喺鼻頭3-5分鐘，幫助完全打開毛孔

Step 2：倒4-5滴可可巴油喺掌心，用手指抹匀個鼻，厚敷5-10分鐘，然後用棉花棒輕輕按出黑頭

Step 3：清潔完黑頭後，用洗面奶沖洗鼻頭約1分鐘，洗走油分同埋粘膩感

Step 4：用化妝水+化妝棉濕敷個鼻，之後按照平常嘅護膚程序就ok

如果黑頭問題唔算太嚴重嘅話，其實用一次就見效，連續用三天後，個鼻就會變得更加乾淨！有嚴重黑頭問題嘅朋友，就可能要連續用一個禮拜～

3. 化妝棉

價錢：$40/135張

muji選用纖維較長、無漂白嘅棉花，觸感柔軟，可作多用途使用。一片大細約90 x 70mm。佢睇落黃黃哋好似好dirty，仲有d棉花籽咁，其實就係佢嘅特色！冇漂白過嘅原色妝棉係純天然，用起嚟格外放心。

依款化妝棉可以撕開同埋濕敷，大概可以撕開薄薄5-6張。不過化妝棉撕到太薄，濕敷起嚟其實冇咩效果，所以我實際測試過，濕敷就最好撕成3片～

4. 碎粉餅

價錢：$100/ 11g

muji近期推出依款改良版碎粉，加入咗防曬功能，足足有成SPF50/PA++++，市面上好少有咁高度數防曬嘅碎粉，再加埋植物油、洋甘菊花提取物、桃葉提取物，增加保濕效果，而且粉末細緻唔會造成厚重妝感，能夠打造出透明感妝容而大受日本妹歡迎！非常方便補妝補防曬用。

#muji #無印良品 #美容好物 #護膚品 #化妝品 #敏感肌 #回購 #化妝師推薦