上回講到約咗靚女model客人一齊去Oasis medical做pico皮秒激光。我本身唔算多色斑，就算有都係淺層色斑（即係雀斑），所以醫生話我做幾次pico皮秒激光就可以KO佢哋啦！做完嗰個禮拜皮膚明顯好咗，變得更加白同埋透亮，毛孔明顯收細，仲冇咗幾條細紋tim！
做完就同靚女model去行街街同嘆下午茶，佢話佢d model朋友都會「定期維修」。你知啦，就算可以後製P圖，上鏡個樣都要perfect ga ma，畀人發現妝前膚況差，實畀人講到面都黃-_-要維持最佳狀態，佢d model朋友會周圍試唔同美容院嘅pico皮秒激光去斑，而佢哋都有個共同問題，就係做完皮膚變乾！
做完pico皮秒激光去斑皮膚變乾原因
其實唔單止pico皮秒激光去斑，進行所有高能量嘅醫美療程如hifu都有可能令皮膚變乾。因為能量刺激皮膚細胞同埋附近組織，令膠原蛋白增生同細胞分裂etc，需要大量水分，皮膚組織嘅含水量可能會因此下降。所以做完pico皮秒激光去斑後，應該補濕、補濕、同埋補濕！咁就可以解除肌膚嘅不適，加快肌膚組織嘅修復過程。同美白去斑有關嘅療程係更需要補濕啦，因為飽滿嘅細胞有助推走老廢角質，新陳代謝速度愈快，會令pico皮秒激光去斑嘅效果愈快呈現。
以下有幾個pico皮秒激光去斑療程後嘅護理小貼士～大家要多多留意啦！
1.瘋狂補濕
做pico皮秒激光去斑前後4-5日都要敷保濕mask！增加肌膚嘅含水量，先會有更好嘅修復能力。亦都要小心選用日常護膚品，最好用d低刺激性、成份簡單、溫和無添加嘅天然護膚品，make sure唔會刺激到肌膚。
如果做完pico皮秒激光去斑療程，緊接喺美容院做補濕就最好，可以立即cool down肌膚。我同model去Oasis medial做就有冷凍無針導入技術，幫助深層保濕同舒緩，為皮膚降溫同埋壓抑色素增生～所以我哋做完塊面都冇乾爭爭。
2. 防曬、防曬、防曬！
皮膚受pico皮秒激光高能量脈衝刺激，如果唔注意防曬，可能會出現反黑嘅情況。大家出門口前記得要搽SPF15-30以上嘅防曬，亦都要補防曬，同埋避免進行戶外活動，以免因紫外線和+高溫刺激面部發紅。
3.避免進食刺激嘅食物
做pico皮秒激光去斑後，要注意飲食，避免進食辛辣或者刺激嘅食物如：蝦、蟹、魚、牛、雞蛋等等。做pico皮秒激光去斑後可以食富含維他命C嘅蔬果+supplement，加速體內黑色素代謝、減少色素沉澱、加強去斑效果。
4.唔好用去角質／任何酸性產品
做pico皮秒激光去斑後2星期，唔好用任何酸類／去角質／美白產品，亦要避免用含有刺激成分嘅護膚品。以免令肌膚變得更加敏感同刺痛，影響修復效果。
另外，洗面時應使用冷水，保持動作輕柔，避免過度揉搓肌膚，繼而影響皮膚油脂分泌以及進一步刺激皮膚。
留言列表
