毛孔粗大君，請入嚟！－Gina MUA的部落格

毛孔粗大幾乎係好多人都會面對、仲好困擾嘅問題，尤其係油性皮膚，只要毛孔一大，膚質睇上去就會好粗糙，而且又會堆積污垢、油脂，咁所以黑頭、粉刺、暗瘡就會形成啦。

毛孔粗大、收毛孔 保養方法

想要好有效咁收毛孔，首先你要了解一下你嘅毛孔係屬於咩類型，快D CHECK 下先~

出油型毛孔粗大

出油型毛孔係最常見、大家亦都最熟悉嘅毛孔粗大類型，因為肌膚油脂分泌旺盛、毛孔阻塞，令到毛孔粗大，尤其係T字部位。呢種類型嘅毛孔呈現U形擴大，通常仲會出油、皮膚容易泛黃、暗沈。

收毛孔保養方法：

出油型毛孔粗大當然要針對出油去解決，最重要做好清潔及控油，除咗可定期使用清潔型泥膜幫助清潔毛孔和達到控油收毛孔效果，日常保養品都要盡量選擇清爽型嘅乳液狀、凝露等，避免滋潤度過高嘅產品。

2.缺水型毛孔粗大

唔單止係肌膚太油先會毛孔粗大，過於乾燥缺水都會令毛孔變得明顯。缺水型毛孔係因為肌膚乾燥、缺少水分而引起，通常出現喺兩頰附近，毛孔呈橢圓形。

收毛孔保養方法：

解決辦法當然就係要加強補水、保濕，日常可以多用保濕面膜為肌膚補水，同埋要用乳液、面霜為肌膚保留水分，減少水分流失。

3. 角質型毛孔粗大

角質型毛孔粗大主要係因毛孔堵塞所引起，通常有角質層肥厚、黑頭粉刺問題，大多數出現喺鼻頭、額頭、臉頰兩側。

收毛孔保養方法：

呢種類型嘅毛孔粗大，都係因為毛孔堵塞，要解決就先要軟化及去角質，再深入清潔。定時做好保養，維持健康作息，角質毛孔粗大就可以好好咁改善。

收毛孔好難? 毛孔槍幫到你

唔知道自己屬於咩類型嘅毛孔粗大? 平時做好毛孔管理但仍然收唔到毛孔? 咁就可以試試2021年Oasis medical 最新引入嘅毛孔槍 Target X，1槍就可以好快速咁收毛孔，特別啱毛孔粗大嘅人呀。

毛孔槍 Target X係用獨家微針+射頻科技，結合咗溫熱激活及冰感冷涷技術，可以將25支微細至0.3mm微針，同步發放55至60度溫熱射頻能量，深入真皮層刺激膠原蛋白及彈性纖維蛋白增生，令皮膚回復彈性，有效收毛孔，變得嫩滑細緻。此外，毛孔槍仲配備咗冰感冷凍模式，先熱後凍嘅治療方式，可以緩和射頻能量嘅肌膚溫熱感，有效退走老化膠原細胞，加快新生膠原蛋白速度。